19 Machi 2011 - 20:30
Msimbo wa Habari: 280639
Serikali ya Pakistan imeipa Marekani siku 15 kuhamisha kituo chake cha kijeshi cha anga nchini humo baada ya mashambulizi ya ndege za kivita za shirika la kijeshi la nchi za Magharibi NATO kusababisha mauaji karibu na mpaka wa nchi hiyo na Afghanistan.
Mashambulizi hayo yamesababisha kuuawa askari 28 wa Pakistan na
kujeruhiwa wengine 15 huko kusini magharibi mwa nchi hiyo. Kituo hicho
cha kijeshi cha Shamsi kimekuwa kikitumika kama eneo la siri la
kufanyia mashambulizi ya ndege zisizo na rubani za CIA. Pakistan pia
imetoa amri ya kuangaliwa upya makubaliano yote yaliyofikiwa kati yake,
Marekani na NATO yakiwemo ya kidiplomasia, kisiasa, kijeshi na shughuli
za kijasusi. Uamuzi huo umechukuliwa baada ya Waziri Mkuu wa Pakistan
Yousuf Raza Gilani kufanya makutano wa dharura na Baraza la Mawaziri
pamoja na maafisa wa jeshi la Pakistan.
